چندی گڑھ :جیولری شاپ میں لوٹ:CCTVمیں قید ہوا لٹیرا

چندی گڑھ،4اگسٹ(ایجنسی)چندی گڑھ میں ایک زیورات شاپ میں لوٹ مار کا خوفناک ویڈیو سامنے آیا ہے. لوٹ مار کی یہ تصاویر دکان میں لگے سی سی ٹی وی کیمرے میں قید ہوگئیں. چندی گڑھ کے سیکٹر S 22 میںSRKجیولرسکی دکان ہے. جہاں ایک ہتھیار بند نوجوان دکان میں گھسا اور دوکاندار پر فائر کر دیا. غنیمت یہ رہی کہ گولی دوکاندار کو نہیں لگی. گولی چلنے کے بعد دکان میں موجود لوگ



سہم گئے اور اس درمیان لٹیرا دکان میں رکھے 70 گرام سونا لوٹ کر فرار ہو گیا. پولیس نے معاملے کی تحقیقات شروع کر دی ہے. جانچ میں پتہ چلا ہے کہ یہ شخص دو دن پہلے بھی علاقے میں دیکھا گیا تھا. چندی گڑھ کا یہ علاقہ کافی بھیڑ بھاڑ والا علاقہ ہے. اس دکان سے محض چند میٹر کے فاصلے پر پولیس کی چوکی بھی ہے، لیکن یہ بے خوف لٹیرا دن دہاڑے دکان میں گھس گیا اور سونا لوٹ کر فرار ہو گیا.